मिशन लाइफ - पर्यावरणपूरक जीवनशैली

"हा शब्द ‘लाइफ’ आहे, ज्याचा अर्थ ‘पर्यावरणासाठी जीवनशैली’ (Lifestyle for Environment) असा होतो. आज आपण सर्वांनी एकत्र येऊन पर्यावरणासाठी जीवनशैली (LiFEStyle for Environment) या संकल्पनेला अभियानाच्या स्वरूपात पुढे नेण्याची गरज आहे. हे अभियान पर्यावरणाबाबत जागरूक आणि जबाबदार जीवनशैली अंगीकारण्यासाठी एक व्यापक लोकचळवळ बनू शकते."

- पंतप्रधान श्री नरेंद्र मोदी COP26 मध्ये

"मिशन लाइफ (Mission LiFE) हे ‘लाइफ’ च्या संकल्पनेचे प्रत्यक्ष आणि मोजता येण्याजोग्या परिणामांमध्ये रूपांतर करण्याचे उद्दिष्ट ठेवते."

"२०२२ ते २०२८ या कालावधीत पर्यावरणाचे संरक्षण आणि संवर्धन करण्यासाठी किमान एक अब्ज भारतीय तसेच जगभरातील नागरिकांना वैयक्तिक आणि सामूहिक कृती करण्यासाठी प्रेरित व सहभागी करण्याच्या उद्देशाने ही संकल्पना तयार करण्यात आली आहे."

"भारतामध्ये २०२८ पर्यंत किमान ८० टक्के गावे आणि नागरी स्थानिक स्वराज्य संस्था (Urban Local Bodies - ULBs) पर्यावरणपूरक बनविण्याचे उद्दिष्ट निर्धारित करण्यात आले आहे."